Jæja, komið þið öll blessuð og sæl, já það er auðvitað löngu komin tími á færslu hjá okkur Sölva Þór.
Sölvi minn er orðinn 1.árs, pælíð í  því, tíminn ekkert smá fljótur að líða:).  Hann er farinn að ganga og gerðist það 3 vikum fyrir afmælið, er svo duglegur þessi elska.
Annars er allt gott að frétta hjá okkur, við erum að flytja í Mosfellsbæ núna í júli, nánar tiltekið í Brekkutanga, síðan er Sölvi búin að fá inn hjá dagmömmu í ágúst, það eina er að ég veit ekki allveg hvað ég ætla að fara gera, en kemur í ljós á næstu dögum, verð auðvitað eitthvað að kenna og dæma,hef svo sem aldrei haft áhyggjur af verkefnaleysi.
Við Sölvi erum búin að vera í Kolló nánast allan júni mánuð og unum okkur vel þar, alltaf gott að vera hjá ömmu og afa í sveitinni og Sölvi minn elskar að vera hér, er mikið úti og er mikill dýrakall. 
Við erum á leið á Landsmót hestamanna núna i enda júni og verðum þar í viku, ég er að dæma á mótinu´, mamma, pabbi og nokkrir fylgifiskar ætla að hjálpa mér með Sölva yfir mótið en mamma fékk bústað á Hellu yfir Landsmótshelgina sem er allveg meiriháttar.
Ég tók þá ákvörðun að minnka skólann aðeins, á svo sem ekki mjög mikið eftir en ætla að reyna taka bara áfanga og áfanga í fjarnámi og reyna að vinna mér inn einhverja peninga, því ekki vaxa þeir á trjánum:) og að lifa hér á Íslandi í dag er ansi dýrt.
Jæja ég lofa að skrifa fljótlega og ég ætla að setja inn nokkrar nýjar myndir af prinsinum mínum.

Kv Odda og Sölvi Þór